Жетісайда шаруалар жаз басталмай жатып, еккен қауынын жинап жатыр
Биыл аймақта ауыл шаруашылығы қажеттіліктеріне 1 млрд текше метрден астам су берілген
Түркістан облысының Жетісай ауданында шаруалар биылғы алғашқы қауын өнімін жинауға кірісті, деп хабарлайды Azattyq Rýhy.
«Әл-Фараби» шаруа қожалығы К-34 канал арқылы су алады. Диқан егіс алқаптарына судың тұрақты жеткізілуін қамтамасыз еткені үшін жергілікті «Қазсушар» филиалына алғыс білдірді. Жалпы алғанда егіс алқабынан 65 тонна өнім жиналды.
«20 гектар жерге қауын ектік. Су жеткілікті болды, ешқандай тапшылық көрген жоқпыз. Су үздіксіз берілді. Уақытылы суарудың арқасында мол әрі ерте өнім алып отырмыз. Атқарылған жұмыс үшін Су ресурстары және ирригация министрлігіне ризашылығымызды білдіреміз», – деді «Әл-Фараби» шаруа қожалығының төрағасы Әл-Фараби Анарбайұлы.
Жыл басынан бері Түркістан облысының ауыл шаруашылығы қажеттіліктеріне 1 млрд текше метрден астам су берілген. Оның 293 млн текше метрі Жетісай ауданына тиесілі. Ауданда бақша дақылдарын суаруға 49 млн текше метр су жіберілді. Бақша дақылдарын суару жұмыстары жалғасып жатыр.
Көп оқылған
