Бұл қалаларда найзағай, жаңбыр және бұршақ күтіледі
Алдағы демалыс күндері Қазақстанның ірі қалаларында ауа райы құбылмалы болады. Астана, Алматы және Шымкент қалаларында найзағай, жаңбыр және бұршақ күтіледі, деп хабарлайды Azattyq Rýhy «Қазгидромет» РМК-ға сілтеме жасап.
Елордада алдағы үш күнде де жауын-шашын күтіледі. Әсіресе, жексенбі күні ауа температурасының айтарлықтай төмендеуі болжануда. 8 мамыр күні күндіз жаңбыр жауып, найзағай ойнайды. Сондай-ақ бұршақ жауады. Желдің екпіні 15-18 м/с жетеді. Ауа температурасы күндіз +23+25°C болады. 9 мамырда тұрақсыз ауа райы сақталады. Күндіз ауа температурасы +21+23°C. Ал 10 мамыр күні күн күрт суытады. Температура күндіз небәрі +10+12°C болады. Желдің жылдамдығы 20 м/с дейін күшейеді.
Алматыда жұма күні аптап ыстық болғанымен, демалыс күндері жауын басталады. 8 мамырда жауын-шашынсыз, өте ыстық ауа райы сақталады. Күндіз термометр бағаны +31+33°C көрсетеді. 9 мамыр күні күндіз өткінші жаңбыр жауып, найзағай ойнайды. Температура +28+30°C дейін жетеді. Ал 10 мамырда жаңбыр жауады. Ауа температурасы күндіз +20+22°C дейін төмендейді.
Шымкентте демалыстың алғашқы күні аптап ыстық болады, алайда жексенбіге қарай күн салқындайды. 8 мамыр күні ашық ауа райы сақталады. Күндіз +33+35°C аптап ыстық болады. Ал 9 мамырда күндіз өткінші жаңбыр жауып, желдің екпіні 20 м/с жетеді. Температура +28+30°C болады. 10 мамыр күні жаңбыр жауып, найзағай ойнауы ықтимал. Күндіз күн салқындап, ауа температурасы +20+22°C болады.