Астанада LRT пойыздарын сынақтан өткізу жұмыстары аяқталды

Астанада LRT желісінің жылжымалы құрамы мен негізгі жүйелерін сынақтан өткізу кезеңі сәтті аяқталды. Жобаның техникалық дайындығын тексеруге бағытталған тестілеу шаралары толық көлемде орындалды, деп хабарлайды Azattyq Rýhy. 

Бұл кезең LRT пойыздарының қауіпсіздігі мен инженерлік желілердің өзара іс-қимылын нақтылау үшін аса маңызды болды. Қазіргі уақытта нысандарда жоспарлы тазалық жұмыстары жүргізілуде. Осыған байланысты LRT пойыздарының қозғалысы 5 мамырға дейін уақытша тоқтатылды. 

Айта кетейік, Астанадағы LRT жобасы қаланың көлік инфрақұрылымын жаңғыртуға бағытталған ең ірі жобалардың бірі.