Ағайынды Айбек пен Нұрбек Оралбай Азия чемпионатының финалына шықты

Олар қарсыластарын айқын басымдықпен жеңді

Фото: Olympic.kz

Ағайынды Айбек пен Нұрбек Оралбай бокстан Азия чемпионатының финалына шықты, деп хабарлайды Azattyq Rýhy.

Нұрбек Оралбай 85 келіге дейінгі салмақтың жартылай финалында моңғолиялық Бариахан Доржбен қолғап түйістірді. Алғашқы раундта жерлесіміз қарсыласын нокдаунға түсіріп, басымдыққа ие болды. Екінші және үшінші раундта да үстемдік еткен Нұрбек Оралбай төрешілердің шешімімен 5:0 есебімен жеңіске жетті.

Осылайша, Нұрбек Оралбай финалға жолдама алды.

Ал Айбек Оралбай 90 келіден жоғары салмақ дәрежесінде финалға жолдама алды. Жартылай финалда Оралбай Түрікменстан өкілі Довлет Исламовты сенімді түрде жеңді. Үш раундтың қорытындысы бойынша қазақстандық боксшы төрешілердің шешімімен басым түсті.

Мақалада

#бокс #Азия чемпионаты #боксшы #финалдық кезең #Азия чемпионы

Алдыңғы жаңалық

Талдықорғанда 19 жастағы екі жігіт таныстарын жылдар бойы микронесие алуға мәжбүрлеген