Шымкентте сот төрт баласына қатыгездік танытқан әйел адамды ата-ана құқығынан шектеді
Оған қатысты сот отырысы өтті
Шымкент қаласының кәмелетке толмағандар істері бойынша арнайы ауданаралық сотында Білім басқармасының ата-аналық құқықтарды шектеу және алимент өндіріп алу туралы азаматтық ісі қаралды, деп хабарлайды Azattyq Rýhy Шымкент қалалық сотының баспасөз қызметіне сілтеме жасап.
Іс бойынша жауапкер ретінде Э. азаматшасы – төрт кәмелетке толмаған баланың анасы қатысты.
Істің мән-жайы
Сот талқылауы барысында мына деректер анықталды:
- Жауапкер кәмелетке толмаған төрт баланың анасы болып саналады;
- Балалардың әкесі қазіргі уақытта шетелде жүр;
- Анасы тарапынан балаларға қатыгез қарау фактілері тіркелген.
Сонымен қатар, балалардың әкесіне бұл оқиғалар жайлы хабарланғаны атап өтілді.
Сот шешімі
Сот Қазақстан Республикасының «Некеге (ерлі-зайыптылыққа) және отбасыға» қатысты кодексінің нормаларына сүйене отырып және кәмелетке толмағандардың мүддесін басшылыққа ала отырып шешім қабылдады жауапкердің ата-аналық құқықтарын шектеу; Білім басқармасының талап арызын қанағаттандыру.
Қазіргі уақытта сот шешімі заңды күшіне енген жоқ.
Көп оқылған
