Батыс Қазақстан облысы референдумға дайын – мәслихат депутаты

Батыс Қазақстан облысы мәслихатының төрағасы Сәлімгерей Сиражев барлық деңгейдегі мәслихат депутаттарының форум кулуарында жаңа Конституция жобасын түсіндіру жұмыстары қалай жүзеге асырылғанын айтып берді, деп хабарлайды Azattyq Rýhy.

«Биылғы 15 наурызда тарихта қалатын маңызды саяси науқан референдум өтеді. Мемлекет басшысы Касым-Жомарт Токаев шешімімен Конституцияны жетілдіру жөніндегі комиссия құрылып, жаңа жобасы әзірленді. Жарлыққа қол қойылып, 15 наурызда барлық азаматтар референдумға қатысуға шақырылады», – деді ол.

 «AMANAT» партиясының мүшесі атап өткендей, Батыс Қазақстан облысы, Ақжайық ауданында да тұрғындарға Конституциядағы өзгерістер түсіндіріліп жатыр.

«Қоғам өзгергендіктен, болашақ ұрпақтың дамуы мен құқықтарын қамтамасыз ету үшін негізгі нормалар халыққа толық жеткізіліп отыр. Тұрғындар тақырыпты жақсы түсініп, қолдауға дайын екендерін білдіріп жатыр.Мәселен, тіл мәселесі, жер қатынастары және парламенттің бір палаталы жүйеге көшу секілді маңызды өзгерістер қолдау тапқан. Жаңа Конституция азаматтың құқықтарын нығайтып, елдің дамуына бағытталған.Бүгінгі мәслихат форумы Президенттің төрағалығымен өтіп жатыр. Біз референдумды өз уақытында өткізу дұрыс деп есептейміз және оны қолдаймыз», –  деді ол.