Ауа райының күрт нашарлауына байланысты елордада бірінші ауысымдағы білім алушылар қашықтан оқиды
Астанада қолайсыз ауа райына байланысты бірінші ауысымдағы мектеп оқушылары мен колледж студенттері қашықтан оқыту форматына ауыстырылды, деп хабарлайды Azattyq Rýhy.
Қалалық Білім басқармасының баспасөз қызметінің мәліметінше, 11 наурыз күні ауа райының күрт нашарлауына байланысты оқу процесіне уақытша өзгеріс енгізілген.
Елордада желдің күшеюі мен ауа температурасының төмендеуіне байланысты қауіпсіздік шаралары күшейтіліп, бірінші ауысымдағы 0–11 (12) сынып оқушылары онлайн форматта білім алады. Сонымен қатар 9 сынып базасында оқитын колледждердің 1–2 курс студенттері де қашықтан оқытуға көшірілді.