Бұл – жаңа рекордтық көрсеткіш
Соңғы бір тәулікте әлем бойынша 230 мыңнан астам адамнан коронавирус анықталды. Бұл – жаңа рекордтық көрсеткіш. Бұған дейін 10 маусымда бір күнде COVID-19 жұқтырған 228 мың адам тіркелген еді, деп хабарлайды Аzattyq Rýhy тілшісі РИА Новостиге сілтеме жасап.
«Әлем бойынша COVID-19 жұқтырғандар саны 12,5 миллионнан, ал коронавирустан қайтыс болғандар саны 561 мыңнан асты. Дүниежүзілік денсаулық сақтау ұйымының мәліметті бойынша, бір күнде коронавирус жұқтырған 230 мыңнан астам адам тіркеліп, 5200-ден астам адам қайтыс болған. », - деп жазылған ақпаратта.
Коронавирус жұқтырғандар саны бойынша әлемде Солтүстік және Оңтүстік Америка (6,5 млн) және Еуропа елдері (2,9 млн) көш бастап тұр. Ал Джон Хопкинс атындағы университет мәліметі бойынша, әлемде COVID-19 жұқтырғандар саны 12,8 миллион адамнан асып, қайтыс болғандар саны 566 мыңға жеткен.