Тоқаев Трамптың шақыруымен АҚШ-қа жұмыс сапарымен барады

Қазақстан президенті Америка Құрама Штаттарына жұмыс сапарымен барады

Фотоколлаж: Azattyq Rýhy/Әбілқасым Есентаев

Мемлекет басшысы Қасым-Жомарт Тоқаев 18-19 ақпан күндері АҚШ президенті Дональд Трамптың шақыруымен Бейбітшілік кеңесінің алғашқы отырысына қатысу үшін Вашингтонға жұмыс сапарымен барады, деп хабарлайды Azattyq Rýhy.

Саммит барысында Газа секторындағы ахуалды тұрақтандыру мәселесіне баса мән беріледі. Атап айтқанда, бейбітшілік орнату, қауіпсіздікті қамтамасыз ету және гуманитарлық көмек жеткізу бойынша нақты шаралар әзірлеуге ден қойылады.

Сонымен қатар сапар аясында Қасым-Жомарт Тоқаев америкалық ірі компаниялардың жетекшілерімен бірқатар кездесу өткізеді.

Мақалада

#Қасым-Жомарт Тоқаев #ақорда #Дональд Трамп

Алдыңғы жаңалық

ШҚО әкімінің орынбасары істі болды: ҰҚК тергеу жүргізіп жатыр