Астанада қалың қар мен көктайғақ салдарынан бір таңда 45 жол апаты тіркелді

6 ақпанда Астанада таңғы уақыттың өзінде 45 жол-көлік оқиғасы тіркелді, деп хабарлайды Azattyq Rýhy.

Қала көшелеріндегі апаттардың күрт көбеюіне қалың қар, көктайғақ және көріну деңгейінің төмендеуі себеп болған. Полиция департаменті мәліметінше, апаттың жиіленуі мен көлік қозғалысының қиындауына байланысты  жылдамдық режимін қатаң сақтауға, кенет тежелуден аулақ болуға және көліктер арасындағы қауіпсіз қашықтықты ұстануға шақырады.

Сондай-ақ қала сыртындағы кейбір жол учаскелерінде қозғалыс жиі шектелуіне байланысты алыс сапарларды кейінге қалдыру ұсынылады. Құқық қорғау органдарының ескертуінше, жол жағдайы тұрақталғанға дейін сақтық шараларын күшейту қажет.