Қазақстанның екі облысында ауа райына байланысты тасжолдар жабылды

Қазақстанның екі облысындағы республикалық маңызы бар автожолда 15 қаңтар күні сағат 11:30-дан бастап ауа райының күрт нашарлауына байланысты қозғалыс шектелді, деп хабарлайды Azattyq Rýhy «ҚазАвтоЖол» Telegram-арнасына сілтеме жасап.

Барлық көлік түрінің қозғалысы төмендегі учаскелерде уақытша тоқтатылды:

Абай облысы

ҚХР шекарасы – Майқапшағай – Зайсан айналма жолы – Қалбатау – Семей – Павлодар – РФ шекарасы автожолының 1087-1103 шақырым аралығы (Боғаc ауылы мен ШҚО шекарасы аралығы).

Шығыс Қазақстан облысы

Осы бағыттағы автожолдың 1103-1256 шақырым аралығы (Абай облысының шекарасынан Зайсан қаласына дейінгі учаске).

Жол учаскелерін қайта ашудың болжамды уақыты – 2026 жылғы 15 қаңтар, сағат 17:00.