Nomad Stunts каскадері пневмониядан көз жұмды

Алматыда белгілі актер, Nomad Stunts каскадері Мұрат Мұқашев қайтыс болды. Бұл туралы актер Ерден Телемісов Facebook парақшасында жариялады, деп хабарлайды Azattyq Rýhy тілшісі.

«Сене алар емеспін... Бүгін түнде бауырымыз Мұрат Мұқашев дүниеден өтті. Ол 1 аптадай ауырды. Соңғы 3 күнде қызуы көтеріліп, тыныс алуы қиындады. Пневмония. Кеше таңертең ауруханаға алып кеткен. Бүгін таңғы 7-де қаралы хабар естідік....», - деп жазды Е.Телемісов.

Е.Телемісов жаназаға келмеуге шақырды.

Мұрат Мұқашев 1968 жылы Алматыда туған. Индустриалды техникумды тәмамдаған. М.Мұқашев «Мой дом на зеленых холмах» (СССР, 1985), «Омпа» (1998), «Обратная сторона» (2009), «Кто Вы, господин Ка?» (2010), «Айша» (2011), «Марко Поло» (США, 2014), «Весь мир у наших ног» (2015) және «McMafia» (США, 2017) фильмдерінде ойнаған.