Жүргізушілерге ескерту жасалды: тасжолдарда қар аралас жаңбыр жауады

Қазақстанның бірқатар өңірінде тасжолдарда қар аралас жаңбыр жауады, деп хабарлайды Azattyq Rýhy.

«ҚазАвтоЖол» мәліметінше, 25 желтоқсан күні Ақмола, Шығыс Қазақстан, Қарағанды, Қостанай, Маңғыстау, Атырау, Солтүстік Қазақстан, Ақтөбе, Ұлытау, Қызылорда, Түркістан, Абай және Павлодар облыстарының кей жерлерінде қар аралас жаңбыр мен қар күтілуде.

Сол себепті жүргізушілерге жылдамдық режимі мен қауіпсіз арақашықтықты қатаң сақтап, жолдардағы ауа райының қолайсыздығын ескерулеріңізді сұраймыз.

«1403 байланыс орталығына хабарласып, тәулік бойы қосымша ақпарат алуға болады», – делінген хабарламада.