Танымал бапкер коронавирус жұқтырып алған болатын
Аралас жекпе-жектен (UFC, MMA) әлем чемпионы Хабиб Нурмагомедовтың әкесі әрі бапкері Абдулманап Нурмагомедов қайтыс болды. Бұл туралы Шешенстан басшысы Рамзан Қадыров өзінің Telegram-каналында жазды.
Қадыров Ресей Федерациясына еңбегі сіңген бапкердің отбасына қайғыра көңіл айтатынын жеткізген. Нурмагомедов коронавирус жұқтырып алған болатын және сәуір айынан бері ауруханада ауыр халде жатты. 19 маусымда бапкердің коронавирустан айыққаны белгілі болғанымен, оның өзге де ауруларының асқынғаны айтылды.
Абдулманап Нурмагомедов сәуір айында өкпе қабынуымен ауруханаға түсіп, артынша COVID-19 вирусын жұқтырып алғаны белгілі болды. Жағдайы нашарлай бергендіктен дәрігерлер оны Дағыстаннан Мәскеудегі ауруханаға алып кетті.