АҚШ Green Card лотереясын уақытша тоқтату туралы шешім қабылдады

АҚШ-тың ішкі қауіпсіздік министрі Кристи Ноэм жыл сайын 50 000 адамға тұрғылықты құқық беретін Diversity Visa Program (Green Card лотереясы) бағдарламасының кейбір бөлімдерін уақытша тоқтату туралы шешім қабылдады. Бұл туралы Azattyq Rýhy агенттігі Reuters-ке сілтеме жасап хабарлайды.

Аталмыш бағдарламаны тоқтату DV1 visa program деп аталатын иммиграция көрсеткіші төмен елдерден азаматтарды АҚШ-қа көшіруді қамтамасыз ететін бөлімге қатысты.

Ресми мәлімдемелерде бұл шешім Brown University мен Массачусетс технологиялық институтында (MIT) болған атыс оқиғасымен байланысты екені айтылған. Оқиғаға қатысушы күдіктінің АҚШ-қа DV бағдарламасы арқылы жеткізілгені бұл бағдарламаның қайта қаралуына себеп болған, деп жазды TheGuardian.

Дональд Трамп пен DHS басшылары мұндай жағдайлардың қайталанбауы үшін иммиграциялық визаларды беру саясатын қайта қарастыру қажеттігін атап өткен.

Diversity Visa бағдарламасы жыл сайын Африка, Азия, Еуропа елдерінен миллиондаған қатысушыны тартып, иммиграциялық әртүрлілікті кеңейтуді қамтамасыз етіп келген.

Бағдарламаны тоқтату заңдық даулар тудыруы мүмкін, себебі бұл бағдарлама Конгресс тарапынан бекітіліп, заңмен қорғалатын.