Қазақстанда доллар құны 513 теңгеге дейін арзандады

Қазақстан қор биржасындағы (KASE) күндізгі сауда қорытындысы бойынша доллардың орташа сараланған бағамы 513,55 теңгені құрады. Бұл алдыңғы көрсеткіштен 0,77 теңгеге төмен, деп хабарлайды Azattyq Rýhy.

Қазақстан Ұлттық банкінің 18 желтоқсанға белгілеген ресми доллар бағамы – 514,31 теңге.

Kurs.kz дерегінше, қазіргі уақытта Алматыдағы ақша айырбастау пункттерінде доллар орта есеппен 515,36 теңгеден сатып алынып, 517,55 теңгеден сатылуда. Астанада долларды 512,55 теңгеден қабылдап, 519,55 теңгеден ұсынып отыр. Шымкент қаласындағы айырбастау орындарында долларды сатып алу бағамы – 514,43 теңге, сату бағамы – 516,64 теңге.