Маңғыстауда йогурт тиелген жүк көлігі аударылып қалды: жүргізушісі тауарды тегін таратып жіберді (ВИДЕО)

Маңғыстау облысында 7 желтоқсан күні сағат 14:20 шамасында Бейнеу-Боранқұл тасжолының 64-разъезі маңында Scania жүк көлігі апатқа ұшырап, йогурт тиелген тіркемесі аударылып қалды. Бұл туралы Azattyq Rýhy агенттігі Lada.kz-ке сілтеме жасап хабарлайды.

Куәгерлердің айтуынша, жүргізуші жергілікті тұрғындарға хабарласып, тіркемедегі йогурттарды тегін алып кетуге шақырған. Полиция департаменті оқиғаны растап, ешкімнің зардап шекпегенін, медициналық көмек қажет болмағанын хабарлады.

Жүргізушіге қатысты ҚР ӘҚБтК-нің 610-бабы бойынша әкімшілік хаттама толтырылды («Көлік құралдарының жүргізушілері жол қозғалысы ережелерін бұзған кезде транспорттық құралдардың, жүктердің, жолдардың, жол және басқа да құрылыстардың немесе басқа мүліктің зақымдануына әкеп соқтырған бұзушылық»). Бұл бап бойынша айыппұл мөлшері 20 МРП, яғни 78 640 теңге.

Таратып берілген йогурт, болжам бойынша «Нежный» маркасындағы тауар, жылдам бұзылатын өнімдерге жатады, кейбір орамдар зақымданған, ал сақтау мерзімі шектеулі. Басылымның мәліметінше, тауарды бөліп тарату жүргізуші мен жүк иесі арасында келісілген болуы мүмкін.

Полиция жүргізушілерді, әсіресе қысқы жолдарда және көктайғақ кезінде барынша сақ болуға шақырды.