Әзербайжанмен бейбіт келісімге қол қою инвестиция үшін жаңа мүмкіндіктер ашады – Пашинян

Армения премьер-министрі Никол Пашинян Гамбург Сауда палатасына барып, жергілікті кәсіпкерлермен кездесті, деп хабарлайды Azattyq Rýhy.

Палата бас директоры Мальте Хайни бизнес өкілдерінің Армения экономикасының әртүрлі секторларында қолжетімді мүмкіндіктерді зерттеуге қызығушылық танытып отырғанын айтты.

Пашинян Әзербайжанмен 8 тамызда Вашингтонда қол қойылған бейбіт келісім инвестиция үшін жаңа перспективалар ашатынын атап өтті.

Сондай-ақ ол өңірлік көлік және коммуникация арналарының ашылуы туралы айтып, Армения үкіметі іскерлік ортаны жақсарту, экономиканы дамыту және инвестиция тарту бағытында бірқатар жүйелі реформалар жүргізіп жатқанын айтты.