БҚО-да түрмеден шыққан 110 адам тәртіп бұзғаны үшін қайтадан қамауға алынды
Прокуратураның бастамасымен 135 есепте тұрған адам үшін тергеу изоляторына бару ұйымдастырылды
БҚО-да жыл басынан бері пробация қызметінің есебінде 2 270 адам болды. Олардың 110-ына белгіленген міндеттерді бұзғаны үшін сот жазаның өтелмеген бөлігін бас бостандығынан айыру жазасына ауыстырды, деп хабарлайды Azattyq Rýhy.
Бұл деректер заң талаптарын сақтамаған жағдайда құқықтық салдардың сөзсіз болатынын көрсетеді.
«Прокуратураның бастамасымен 135 есепте тұрған адам үшін тергеу изоляторына бару ұйымдастырылды.
Бұл іс-шара қоғамнан оқшаулану жағдайымен таныстыруға және бостандықтан айыруға әкелуі мүмкін ойланбай жасалған әрекеттердің алдын алуға бағытталған.
Мұндай профилактикалық іс-шаралар есепте тұрған азаматтарға пробациялық бақылау талаптарын сақтау, яғни бостандықты, жұмысты, әлеуметтік тұрақтылықты және қоғамға сәтті бейімделуді сақтаудың негізгі шарты екенін түсінуге көмектеседі», – делінген прокуратура хабарламасында.
Облыс прокуратурасы алдағы уақытта да қайталама қылмыстың алдын алуға, азаматтардың құқықтарын қорғауға және өңірде заңдылықты нығайтуға бағытталған профилактикалық жұмыстарды жалғастырады.
