Өрттің жалпы аумағы 280 шаршы метрді құрады
Астанада Амангелді Иманов көшесіндегі жұмыс істемейтін үш қабатты ғимараттан шыққан өрт сөндірілді, деп хабарлайды Azattyq Rýhy ҚР Төтенше жағдайлар министрлігінің баспасөз қызметіне сілтеме жасап.
Ведомствоның мәліметінше, жалын сондай-ақ ғимаратқа жапсарлас салынған жұмыс істемейтін кафе аумағына және ғимараттың сыртқы қаптамасына тараған. Оқиға салдарынан жақын маңда тұрған жүк көлігі де зақымданған.
«Зардап шеккендер туралы ақпарат 112 қызметіне түскен жоқ», – делінген хабарламада.
Өрттің жалпы аумағы 280 шаршы метрді құрады.