Қостанай облысында 13 жастағы қыз баланы зорлаған ер адам өмір бойына сотталды
Қоғамды дүр сілкіндірген оқиға 2025 жылдың наурызында болды
Лисаковск тұрғыны кәмелетке толмаған қыз баланы зорлағаны үшін өмір бойына бас бостандығынан айырылды, деп хабарлайды Azattyq Rýhy агенттігі Tobol.info-ға сілтеме жасап.
Қостанай облысының қылмыстық істер жөніндегі мамандандырылған ауданаралық соты айыптау үкімін шығарған.
Іс жабық режимде қаралғандықтан, оның егжей-тегжейі жарияланбайды.
«Сот Лисаковск тұрғынын ҚР ҚК 121-бабының 4-бөлігі («Сексуалдық сипаттағы күш қолдану әрекеттері») бойынша 13 жастағы қызға қатысты жасаған қылмысы үшін өмір бойына бас бостандығынан айыру жазасына кесті», - делінген хабарламада.
Айта кетейік, қоғамды дүр сілкіндірген оқиға 2025 жылдың наурызында болды. Күдікті ұсталып, сот оның қамауға алынуына санкция берген.
Мәліметке сай, ол – жеке ұйымның жалдамалы қызметкері. Тергеу мүддесіне байланысты өзге деректер жария етілмеген.
