Қарағанды облысында ШОБ төлейтін салық 2% болады

Қарағанды облысының әкімі Ермағанбет Бөлекбаев өңір кәсіпкерлері үшін маңызды өзгерісті жариялады. 2026 жылдың 1 қаңтарынан бастап оңайлатылған декларация негізіндегі арнайы салық режимінің мөлшерлемесі 2% болып бекітіледі, деп хабарлайды Azattyq Rýhy. 

Бұл шешімді облыстық мәслихат мақұлдаған. Жаңашылдық тек Қарағанды қаласының өзінде 44 мыңға жуық жеке кәсіпкер мен ШОБ субъектісіне әсер етеді.

Президент тапсырмасына сай қолдау күшейтіледі

Әкімнің айтуынша, бұл қадам – президенттің бизнеске қолайлы орта қалыптастыру жөніндегі тапсырмасының бір бөлігі.

«Кәсіпкерлер қиын жағдайда жұмыс істеп жатыр. Біздің міндет – кедергі емес, көмек болу. Бизнеске қолдау көрсету — өз-өзін ақтайтын инвестиция», – деп атап өтті облыс басшысы.

Кәсіпкерлерге арналған байланыс орталығы

Салық бойынша сұрақтары бар кәсіпкерлерге Қарағанды қаласындағы Кәсіпкерлер палатасына жүгіну ұсынылады:

• Мекенжай: Қарағанды, Тәттімбет көшесі, 709
• Орталық: Мемлекеттік және сервистік қызметтер орталығы, 2-қабат
• Телефон: 8 712 504 055
• E-mail: karaganda@atameken.kz