Күдікті уақытша ұстау изоляторына қамалды
Қостанайда полицейлер денсаулыққа қасақана ауыр зиян келтірді деген күдікпен 33 жастағы қала тұрғынын ұстады, деп хабарлайды Azattyq Rýhy Қостанай облысы полиция департаментінің баспасөз қызметіне сілтеме жасап.
Құқық қорғау органдарының мәліметінше ол полиция қызметкеріне пышақ жарақатын салған.
Аталған факті бойынша Қазақстан Республикасы Қылмыстық кодексінің 106-бабы 1-бөлігі бойынша сотқа дейінгі тергеу басталды.
Күдікті уақытша ұстау изоляторына қамалды. Тергеу іс-шаралары жүргізіліп жатыр. Полиция оқиғаның мән-жайын анықтайды.