Министр Ақтөбе облысындағы жол апатын тергеу үшін Астанадан арнайы топты ұшырды
Жол апатына қатысты қылмыстық іс қозғалды
Ішкі істер министрі Ақтөбе облысындағы жол апатын тергеу үшін Астанадан Ақтөбе облысына арнайы топ жіберді, деп хабарлайды Azattyq Rýhy.
Министрліктің баспасөз қызметі таратқан ақпаратқа сүйенсек, тергеушілер арнайы бортпен ұшып кеткен.
«Ақтөбе облысындағы жол-көлік оқиғасы бойынша қылмыстық іс қозғалды. Оқиғаның мән-жайын анықтап, тергеу жүргізу үшін ІІМ орталық аппаратының арнайы тобы әуе бортымен облысқа жөнелді», - деп хабарлайды ІІМ.
Министр тергеуді жеке бақылауына алған.
«Министрдің тапсырмасы бойынша жол апатынан қаза тапқан азаматтардың туыстарына жан-жақты көмек көрсетеміз. Соның ішінде мәйіттерді тасымалдау және жерлеу рәсімдерін ұйымдастыруға да қолдау көрсетеміз. Жедел тергеу жүргізу және барлық қажетті шараларды орындау үшін тиісті шаралар қабылданады», - деді ІІМ ресми өкілі Шыңғыс Алекешев.
