Ері мен әйелі интернет арқылы есірткі сатқан екен
Астананың полициясы интернет арқылы есірткі сатқан ерлі-зайыптыны қолға түсірді, деп хабарлайды Azattyq Rýhy.
Олардың жалдап тұрып жатқан пәтерлерінен бір келі марихуана, оны ұнтақтайтын және әрі қарай буып-түйетін құралдар табылған.
Жеке бастарын тінту кезінде полиция ерлі-зайыптының әмиянынан шамамен 1000 доллар тауып алған.
«Қазір олардың екеуі де қамалып, тергеу изоляторына түсті», – деп хабарлайды Астана полициясы.