Алматы көшелеріне 30 жарнама іліп кеткен жігіт камераның арқасында қолға түсті (ВИДЕО)

Алматы қаласы Түрксіб ауданының полицейлері көшеге есірткі сататын дүкен туралы 30-дан астам жарнама іліп кеткен жас жігітті қолға түсірді: оның заңсыз әрекеті сыртқы камераларға түсіп қалған, деп жазады Azattyq Rýhy.

Полицияның мәліметіне сүйенсек, қалада «Қарасора», «Учаске» және «Құқықтық тәртіп» жедел алдын алу іс-шаралары өтіп жатыр. Соның аясында полиция камера жазбаларын зерттей отырып көшеге есірткі сататын дүкеннің жарнамасын іліп жүрген жас жігітті ұстады.  

«Оның үстінен есірткі құралдарын, психотроптық заттарды немесе олардың аналогтары мен прекурсорларын насихаттау не заңсыз жарнамалау дерегі бойынша қылмыстық іс қозғалды. Күдікті қамалды», - деп хабарлайды полицияның баспасөз қызметі.