Жамбыл облысында бірнеше жасөспірім төбелесіп, біреуі қаза тапты

Жамбыл облысының Шу ауданында жасөспірім қайғылы жағдайға тап болды. Көкқайнар ауылында 10 және 11-сынып оқушылары арасындағы футбол матчы жанжалға ұласып, соңы қылмыстық іске айналды, деп хабарлайды Azattyq Rýhy облыстық полиция департаментіне сілтеме жасап.

Қақтығыс қалай өрбіді?

Оқиға футбол ойынынан кейін басталған.

• 10-сынып оқушылары жеңіске жеткеннен кейін жоғары сыныптың үш оқушысы наразы болып, қарсыластарын дүкен жанына жинаған.
• Жанжал барысында 11-сынып оқушысы 10-сыныптағы қарсыласына кеуде тұсынан соққы жасаған.
• Зардап шеккен бала есінен танып қалған.

Оны үйіне жеткізген соң, ата-анасы дәрігер шақырғанымен, жасөспірім жедел жәрдем келмей жатып көз жұмған.

Полиция тергеуді бастады

Жамбыл облыстық ПД мәліметінше, қазір Қылмыстық кодекстің 106-бабы («Денсаулыққа қасақана ауыр зиян келтіру») бойынша сотқа дейінгі тергеу жүріп жатыр.

«Оперативті іс-шаралар барысында 17 және 16 жастағы екі күдікті анықталып, уақытша ұстау изоляторына қамалды. Қылмыстық істің барлық мән-жайын анықтауға бағытталған тергеу амалдары жүргізілуде», – деді полиция өкілдері.