Олимпиаданың қола жүлдегері Шымкентте ауыр жарақат алып, пышаққа түсті (ВИДЕО)
Дәрігерлер оның ахилл сіңіріне күрделі операция жасаған
Рио Олимпиадасының қола жүлдегері Карина Горичева Әлем чемпионатына дайындалып жүріп, Шымкентте ауыр жарақат алған: отадан аман-есен жазылып шыққан ол дәрігерлерге алғыс айтты, деп хабарлайды Azattyq Rýhy.
Шымкент қаласының денсаулық сақтау басқармасы хабарлағандай, спортшы 23 тамыз күні таңғы жаттығу кезінде жарақат алған. Дәрігерлер оны шұғыл түрде №1 қалалық клиникалық ауруханаға апарып, тексерген.
«Дәрігерлер спортшының сіңірі үзілгенін анықтады. Дәрігерлер оған ашық ота жасап, сіңірін жалғап берді», - деп хабарлайды басқарма.
Спортшының өзі дәрігерлерге алғыс айтып, қазір денсаулығы жақсы екенін айтқан.
Дәрігерлер Ахилл сіңірі – адам ағзасындағы ең ірі сіңір екенін, спортшылар арасында осы сіңір көп үзіліп кететінін еске салып отыр.
