Солтүстік Қазақстанда қарт жүргізуші көлік кабинасында қысылып қалды
63 жастағы ер адам таңғажайып жағдайда аман қалды
Фото: Azattyq Rýhy
Солтүстік Қазақстан облсының Ақжар ауданында ірі жол апаты болды, деп хабарлайды Azattyq Rýhy Төтенше жағдайлар министрлігінің баспасөз қызметіне сілтеме жасап.
Көлік жолдан шығып кеткен
Жол апаты Талшық ауылы маңындағы республикалық жолда болды. Алдын ала мәлімет бойынша жүк көлігінің жүргізушісі көлікті басқара алмай қалған.
Көлік жолдан шығып кетіп, жыраға аударылып кеткен. Құтқарушылардың айтуынша 1962 жылы туған жүргізуші көлік кабинасында қысылып қалған.
Ер адам дәрігерлерге тапсырылды
«Оқиға орнына жедел жеткен құтқарушылар гидравликалық құралдың көмегімен зардап шеккен азаматты көліктен алып шықты», - деп жазылған хабарламада.
Зардап шегуші жедел жәрдем қызметкерлеріне тапсырылды. Оның жағдайы қазір белгісіз.
Көп оқылған
31.01.2026, 13:53
СҚО-да жол апатынан 19 жастағы жүргізуші мерт болды
31.01.2026, 16:18
Тарихи жеңіс: Елена Рыбакина Australian Open чемпионы атанды
31.01.2026, 18:05
«Төрт бала жетім қалды»: Ақмола облысында жол апатынан жүкті әйел мен күйеуі қаза тапты
31.01.2026, 11:42
«Ұлттық қор – балаларға»: 6,9 млн балаға ақша аударылды
