Нұр-Сұлтанда бір жасар бала 8-қабаттағы баспалдақтан құлады

13 маусым күні бір жасар бала Нұр-Сұлтан қалалық балалар ауруханасына жатқызылды, ол 8-ші қабаттағы баспалдақтан 3-қабатқа құлаған, деп хабарлайды қалалық полиция департаменті.

Апат болған кезде үйде баланың анасы, әжесі және басқа да жас балалар болған. Бала шыққан пәтер есігі желдету үшін ашық тұрған. Ересектер баланың үйден қалай шыққанын байқамай қалыпты.

«Нұр Сұлтан» полиция бөлімі ата-аналарды мұқият болуға, балаларды қадағалап, кішкентай балаларды қараусыз қалдырмауды ескертеді. Елордада жыл басынан бері балалардың терезеден құлауының 13 фактісі тіркелді, 2 бала қайтыс болды»,-делінген хабарламда.

Қалалық полиция департаментінің дерегінше, жаз басталысымен терезеден құлаған балалар туралы жазатайым оқиғалар тіркеледі. Қайғылы жайттар көп жағдайда ересектердің немқұрайдылығы мен терезе, есіктерді жабуды ұмытып кететіндігінен болады. Сондай ақ, терезелерге қауіпсіздік үшін торлар орнатылмайды. Оған қоса, үйдегі жиһаз балалардың терезеге өз бетінше жақындауына жол ашып, дұрыс қойылмайды.

«Есіңізде болсын, баланың қауіпсіздігі ересектердің қамқорлығы мен жауапкершілігіне тікелей байланысты», - дейді Нұр-Сұлтан қалалық ПД баспасөз қызметі.