$ 504.34  556.34  5.97
ҚАЗ
×
Бұл желілік ресурстың ақпараттық өнімдері 18 жастан асқан адамдарға арналған.
15.06.2020, 16:17
Оқиғалар

Павлодар облысындағы ормандарда екі күнде 11 рет өрт шықты

Мамандар өрт шығу себебін найзағайдан көріп отыр

Павлодар облысындағы ормандарда екі күнде 11 рет өрт шықты
Фото ашық дереккөзден

Жаз маусымы басталысымен Павлодар облысындағы ормандарда өртену деректері жиілеген. Кешегі аптаның демалыс күндері 11 жайт тіркелсе, жыл басынан бері 64 оқиға болыпты. Бұл туралы облыстық ТЖД бастығының міндетін атқарушы Самат Асайынов мәлімдеді.

Оның айтуынша, күн ысығалы бері облыстағы орманды алқаптың 1636,7 гектары жанып кеткен, келтірілген шығын көлемі – 11 миллион теңгеден асады.

«Өткен демалыс күндері облыс ормандарында 11 өрт оқиғасы тіркелді, өрттің шығу ына найзағай түсуі себеп болған деп болжап отырмыз. Оқиғалардың басым бөлігі «Ертіс орманы» резерватының аумағында тіркелген. Резерватта тоғыз өрт болды, оның ішінде, жалғыз өсіп тұрған ағаштардың жануы да бар. Өрттердің аумағы 150 гектардан астам жерді құрады. Құрғақ шөппен бірге, қарағайдың жануы да тіркелді», - деді С. Асайынов.

«Ертіс орманы» резерваты аумағындағы өртті сөндіруге он сегіз бірлік техника, бір МИ-2 тікұшағы және 48 адам жұмылдырылды.

Серіктес жаңалықтары