Алматыдағы жаппай жол апатынан 23 адам зардап шекті
Зардап шеккендердің барлығы медициналық мекемелерге жеткізілді
Алматыда жүк көлігі, үш жеңіл көлік және жолаушылар автобусы ауыр жол апатына ұшырады. 23 адам зардап шекті, деп хабарлайды Azattyq Rýhy.
Оқиға қалай болды
Жол апаты қаланың Алатау ауданында 14 шілде күні сағат 18:10 шамасында болған.
«МАЗ жүк көлігінің жүргізушісі Бұрындай тас жолымен шығыс бағытта келе жатып, рөлді басқара алмай, сол бағытта бара жатқан Mercedes және Kia көліктерімен соқтығысты. Содан кейін қарсы бағыттағы қозғалыс жолағына шығып кетіп, Yutong автобусымен және Subaru жеңіл көлігімен соқтығысты», - деп хабарлады ПД баспасөз қызметі.
Тергеу басталды
Жол апаты салдарынан 23 адам зардап шекті, оның ішінде автобус жолаушылары мен Kia жүргізушісі бар. Барлығы медициналық мекемелерге жеткізілді, олардың жағдайы анықталып жатыр.
"Жол апаты бойынша сотқа дейінгі тергеу басталды. Барлық мән-жай анықталып жатыр", - деп хабарлады полиция.
Qumash Telegram каналында апат орнында түсірілген видео жарияланды.
Серіктес жаңалықтары
Көп оқылған
Редактордың таңдауы
