«WhatsАpp» топтарға жаппай хат жіберген Астана тұрғыны 2,6 жылға сотталып кетті

Астана азаматы «Whatsapp» топтарға жаппай тәртіпсіздікке шақыру туралы хат жібергені үшін 2,6 жылға шартты түрде бас бостандығынан айырылды, деп хабарлайды Azattyq Rýhy.

Астана қаласының прокуратурасы хабарлап отырғандай, ол жүк көлігінің артық салмағына қатысты заң талабымен келіспеген.

Сотталған азамат қандай мәтінде хат жазған

Прокуратураның мәліметіне сүйенсек, ол «Whatsapp» тобына билікке бағынбау, қару қолдану туралы ақпарат жазған.

«Ол билік өкілдеріне мүлде бағынбауға және қару қолдану арқылы жаппай тәртiпсiздiкке қатысуға шақырған», - деп хабарлайды прокуратура.

Сот қандай жаза қолданды

«Сот жеңілдететін және ауырлататын мән-жайлардың жоқтығын ескере отырып, оған пробациялық бақылау белгілеп, 2 жыл 6 айға бас бостандығын шектеді», - деп хабарлайды прокуратура.

Билік өкілдеріне бағынбау қандай жаза көздейді

Қазақстанда билік өкiлдерiнiң заңды талаптарына белсенді бағынбай, жаппай тәртiпсiздiкке шақырған, не жаппай тәртіпсіздікке арандатқан адам 7 жылға сотталуы мүмкін.

Қазақстанда жүк көліктерінің жүруіне үш айға тыйым салынды

Естеріңізге сала кетейік, «ҚазАвтоЖол» ұлттық компаниясы жаз мезгілінде республикалық маңызы бар автожолдарда ауыр жүк көліктерінің қозғалысына уақытша шектеулер енгізеді. 

Бұл шаралар күннің ыстығында жол жамылғысын сақтауға және қауіпсіз қозғалысты қамтамасыз етуге бағытталған.

Шектеу мерзімі:

• еліміздің оңтүстік және батыс өңірлерінде 1 маусымнан 31 тамызға дейін;
• солтүстік және шығыс өңірлерінде 1 маусымнан 15 тамызға дейін.

Шектеулер +25°C жоғары ауа температурасы кезінде, күндізгі уақытта енгізіледі.

1 маусымнан 31 тамызға дейін сағат 10:00-22:00 аралығында келесі аймақтарда қозғалысқа шектеу қойылады:

• Алматы облысы;
• Атырау облысы;
• Жамбыл облысы;
• Жетісу облысы;
• Ұлытау облысы;
• Қарағанды облысы;
• Қызылорда облысы;
• Түркістан облысы;
• Маңғыстау облысы.

1 маусымнан 15 тамызға дейін сағат 11:00-21:00 аралығында келесі аймақтарда қозғалысқа шектеу қойылады:

• Абай облысы;
• Ақмола облысы;
• Ақтөбе облысы;
• Шығыс Қазақстан облысы;
• Батыс Қазақстан облысы;
• Қарағанды облысы;
• Қостанай облысы;
• Павлодар облысы;
• Солтүстік Қазақстан облысы.

Компания мәліметінше, шектеулер жол жамылғысын қорғау мақсатында енгізіледі.

Жоғары температурада асфальт жамылғысы жұмсарып, ауыр жүктемеге төтеп бере алмайды. Бұл жол жабынының бұзылуына, ойықтар мен ақаулардың пайда болуына алып келеді.

Жазғы шектеулерді сақтау:

• жолдардың қызмет ету мерзімін ұзартады;
• жөндеу шығындарын азайтады;