Украина мен Ресей үш күн ішінде екі тараптан 303 тұтқынды босатты

Ресей мен Украина «1000-ға 1000» форматында тұтқындармен алмасу процесін аяқтады. Мұны екі елдің ресми дереккөздері растады, деп хабарлайды Azattyq Rýhy.

ВВС -дің жазуынша, тұтқын алмасу үш күнге созылған. Жексенбі күні әр тарап 303 адамнан алмасты.

Жыл басынан бері алтыншы рет тұтқын алмасу өтті

Украинаның әскери тұтқындар мәселелері жөніндегі үйлестіру штабының мәліметінше, бұл 2025 жылы өткізілген алтыншы, ал 2022 жылдың наурызынан бергі 65-ші алмасу. Жалпы осы уақыт ішінде келіссөздер мен алмасу процесі аясында 5757 украиналық азамат босатылған. Сонымен қатар, 536 адам алмасу шеңберінен тыс қайтарылған.

Медициналық көмек пен әлеуметтік қолдау

Үйлестіру штабының хабарлауынша, босатылғандар медициналық көмек, оңалту шаралары және тұтқында болған уақыт үшін тиісті ақшалай төлемдер мен біржолғы материалдық көмек алады. Сонымен бірге, оларды қоғамға бейімдеу үшін тиісті қолдау көрсетіледі.

Әскери құрылымдардан босағандар

Үйлестіру штабының телеграм-арнасындағы мәліметке сәйкес, босатылғандардың қатарында келесі құрылым өкілдері бар:

• Әскери-теңіз күштері
• Әуе күштері
• Десанттық-шабуылдаушы әскерлер
• Территориялық қорғаныс күштері
• Ұлттық гвардия
• Мемлекеттік шекара қызметі
• Мемлекеттік арнайы көлік қызметі