Алматыда мотоцикл жүргізушісі жұмысшыларды қағып өлтірді
Марқұмдар жол жөндеп жүрген
Алматыда мотоцикл жүргізушісі 3 адамды қағып кетті, өкінішке орай 2 адам сол жерде көз жұмды, деп хабарлайды Azattyq Rýhy.
Әлеуметтік желіге шыққан видеода көрінгендей, жолда екі адам қозғалыссыз жатыр. Олар жол жөндеп жүрген жұмысшылар болған.
«Мотоцикл жүргізушісі әуелі Mercedes-Benz автомобиліне соққан. Бірақ онымен тоқтамай, жүріп кетіп, жол жөндеп жатқан екі ер, бір әйел адамға соғады», - делінген жазбада.
Ер адамдар оқиға орнында тіл тартпай кеткен, ал әйел ауыр жағдайда ауруханаға түскен.
Бұл деректі Алматы қалалық полиция департаменті растады және оқиғаның бүгін сағат түнгі 1.30-да Алматының Алатау ауданында болғанын мәлімдеді.
«Екі адамның өліміне әкеп соққан жол-көлік оқиғасы бойынша қылмыстық іс қозғады. Тиісіті сараптамалар тағайындалды», - деді ПД.
Серіктес жаңалықтары
Көп оқылған
Редактордың таңдауы
