Алматыда жыл басынан бері заңсыз ойын бизнесімен айналысқан 48 орын анықталды

ҚР ҚМ Қаржы мониторингі комитетінің Алматы қаласы бойынша Экономикалық тергеу департаменті қалалық прокуратурамен бірлесіп, Алматы қаласындағы заңсыз ойын залдарын анықтап жатыр.

Жыл басынан бері Департамент қызметкерлері 48 заңсыз жұмыс істеген ойын залдары анықтап (8 ойын залы, 1 астыртын ойынхана), көлеңкелі айналымнан 100 ойын терминалы және 216 компьютер тәркіленді. Жалпы, 28 қылмыстық іс қозғалды.

ҚР «Ойын бизнесі туралы» заңының 6-шы бабы 2-ші тармағына сәйкес, Қазақстан аумағында электронды және интернет ойынхана жұмысына тыйым салынған. Алайда, 25 мамырда заңсыз жұмыс істеп келген электронды ойынхана жұмысы жабылды. Ол жерден 50 дана компьютер және көлеңкелі айналымнан 210 000 теңгеден асатын ақша тәркіленді.

Аталған айғақ бойынша ҚР ҚК 307-бабы 3-бөлігі 2-тармағына сәйкес (заңсыз ойын бизнесін ұйымдастыру) сотқа дейінгі тергеу амалдары жүргізілуде.