Шымкент қаласында коронавирус жұқтырған 32 адам тіркелді
Бүгінге дейін қалада 762 адамнан індет анықталған
Шымкент қаласында коронавирус жұқтырған 32 адам тіркелді, деп хабарлайды COVID-19 таралуына жол бермеу жөніндегі ВАК.
«Өткен тәулікте ПТР диагностикалық зерттеу нәтижелері бойынша Шымкент қаласының 32 тұрғынынан COVID-19 вирусы табылды. Олардың 24-і вирусты жұқтырғандармен жақын қарым-қатынаста болған, 2-еуі ЖРВИ белгілерімен ауруханаға жатқызылған, 6-уы скрининг нәтижесінде анықталған. Барлығы тиісінше жұқпалы аурулар стационарына жатқызылды», - делінген хабарламада.
Қазіргі таңда науқастардың жағдайы қанағаттанарлық. Бекітілген хаттамаға сәйкес ем алып жатыр. Профилактикалық іс-шараларды жүргізу үшін науқастармен қарым-қатынаста болған адамдар анықталуда.
Ауру ошақтарында дезинфекциялық жұмыстар жүргізіліп жатыр.
28 мамырдағы жағдай бойынша қалада COVID-19 коронавирус инфекциясын жұқтырған жалпы 762 адам анықталып, оның 244-і жазылып шыққан.
