Алматының көшелеріне есірткінің жарнамасын іліп кеткен ер адам 3 жылға сотталды

Алматы қаласының прокуратурасы қоғамдық орындар мен көшелерге есірткінің жарнамасын іліп, сол арқылы пайдаға кенелген ер адамның 3 жылға сотталғанын мәлім етті, деп хабарлайды Azattyq Rýhy.

Дәлірек айтсақ, ер адам көшелерге есірткі сататын интернет-дүкендердің жарнамасын іліп кеткен. Сот оны Қылмыстық кодекстің 299-1-бабы 2-бөлігінің 1) және 4) тармақтары бойынша кінәлі деп танып, 3 жылға бас бостандығынан айырған.

«Сондай-ақ, дәл осындай бап бойынша тағы бір адам ұсталды. Ал, оның жеке басын тінту кезінде 7,866 грамм болатын168 мефедрон табылған», - деп хабарлайды прокуратура.

Оған қатысты сот тергеуі жалғасып жатыр.