Ұлын жеке балабақшаға жұмысқа тұрғызып, тұрғындардан ақша алған - Астанада білім бөлімінің басшысы істі болды
Оның ісі сотқа жолданды
Сыбайлас жемқорлыққа қарсы іс-қимыл агентігінің ресми өкілі Данияр Бигайдаров Астана қаласының білім беру басқармасы бөлімінің басшысы пара алып ұсталғанын айтты, деп хабарлайды Azattyq Rýhy
«Астана қаласы бойынша сыбайлас жемқорлыққа қарсы қызмет елордалық білім басқармасының бөлім басшысының әрекетін әшкереледі. Ол «INDIGO» цифрлық сервисін айналып өтіп, балаларды мемлекеттік балабақшаларға қабылдау мәселесін шешіп бергені үшін бірнеше рет пара алды деп күдіктеліп отыр», - дейді Бигайдаров.
Оның айтуынша, бөлім басшысы өзінің лауазымдық өкілеттігін асыра пайдаланып, ұлын жеке балабақшаға жұмысқа орналастырған.
«Бірақ ол іс жүзінде жұмыс істемеген. Қазіргі уақытта бөлім басшысының ісі сотқа берілді», - дейді ресми өкіл.
