Түркістанда әскерилер үш жасар қыздың өмірін сақтап қалды

Түркістан облысында ҚР ІІМ Ұлттық ұланының 6506 әскери бөлімінің әскери қызметшілері ұстамасы басталған 3 жасар қыздың өмірін сақтап қалды, деп хабарлайды Azattyq Rýhy 24KZ телеарнасына сілтеме жасап.

Оқиға 1 қараша күні сағат 14.00 шамасында Құдайбергенов көшесінде болған.

Жағдай аяқасты болды: Көліктен кішкентай қызды көтерген ер адам жүгіріп шығып, өтіп бара жатқан адамдардан көмек сұрады.

Бұл жағдайды байқаған әскери қызметшілер ойланбастан көмекке ұмтылды. Қатардағы жауынгер Нұрболат Сейсенбеков жағдайды бағалап, дереу алғашқы медициналық көмек көрсетуге кірісті, ал осы уақытта сержант Жанболат Дүйсенбай жедел жәрдем шақырды.

Қазір балақайдың жағдайы тұрақты.