Қарағандыда құрылыс нысанында лифт үзіліп, бір адам мерт болды

Қарағандыда салынып жатқан үйдің лифті үзіліп кетіп, бір жұмысшы қаза тапты, деп хабарлайды Azattyq Rýhy.

Патриот Telegram каналының жазуынша, Қарағандының оңтүстік-шығысында салынып жатқан тұрғын үй кешенінде болған қайғылы оқиғадан кейін бір жұмысшы көз жұмып, екіншісі ауруханаға түскен. Жарақат алған адам жансақтау бөліміне жатқызылған.

Полиция «абайсызда адам өліміне немесе өзге де ауыр зардаптарға әкеп соққан құрылыс жұмыстарын жүргізу кезінде қауіпсіздік ережелерін бұзу» бабы бойынша қылмыстық іс қозғаған.

«Қазіргі уақытта бірқатар сараптамалар тағайындалды. Мән-жайлар анықталып жатыр»,- делінген хабарламада.