Аталған факті бойынша полицейлер қазір тергеу жүргізуде
Бүгін Алматыда жеті көліктің қатысуымен жаппай жол апаты орын алды. Апат туралы Алматы ПД баспасөз қызметі түсініктеме берді, деп хабарлайды Azattyq Rýhy.
Оқиға орнынан түсірілген видеолар алдымен әлеуметтік желілерде тарады.
ПД мәліметінше, апат күндіз сағат 15: 30-да Алатау ауданында болған. Апат салдарынан «ГАЗ» маркалы машинаның жүргізушісі мен жолаушысы медициналық көмекке жүгінді.
«Алатау ауданының Жол полициясы басқармасының қызметкерлері апатты тергеуге кірісті. Жол апатына кім кінәлі екені тергеу аяқталғаннан кейін белгілі болады.»,-деп хабарлады ведомствоның баспасөз қызметі.