БҚО-да қаңғыбас ит бес жасар қызды талап тастады
Қызды реанимациядан хирургия бөліміне ауыстырды
БҚО-дағы Бөрлі ауданының Ақсай қаласында қаңғыбас ит бес жасар қызды талап тастады. Оқиға туралы ақпарат Facebook-тегі парақшалардың бірінде жарияланды, деп хабарлайды Azattyq Rýhy жергілікті «Мой город» басылымына сілтеме жасап.
Иттер балаға қаланың солтүстік бөлігіндегі Алексеев көшесіндегі ойын алаңында шабуыл жасаған.
БҚО денсаулық сақтау басқармасы 11 қазан күні түстен кейін аудандық ауруханаға бірнеше рет тістеген жаралары бар бес жасар қыз жеткізілгенін хабарлады.
«Қабылдау кезінде травматикалық шок белгілерін ескере отырып, бала реанимация бөліміне жатқызылды. Анальгетикалық терапия, жараларды алғашқы хирургиялық емдеу, сіреспеге қарсы сарысумен шұғыл вакцинация жүргізілді. Реанимация бөлімінде болған кезеңде баланың жағдайы тұрақтанды. Ол хирургия бөліміне ауыстырылды», - делінген хабарламада.
Ведомство қазір қыздың жағдайы орташа ауырлық дәрежесі ретінде бағаланатынын атап өтті. Ол белсенді, өздігінен тамақтанады және қозғалады.
