Референдум: Алматыдағы студент туған күнін ерекше қарсы алды

Алматыда білім алып жүрген студент Қазбек Қалиханов 6 қазан - туған күнінде референдумға барып, дауыс берді, деп хабарлайды Azattyq Rýhy өңірлік коммуникациялар қызметіне сілтеме жасай отырып.

 «Бүгін мен үшін ерекше күн – туған күнім. Бұл күнді маңызды бір іспен атап өтуді жөн көріп, референдумға қатыстым. Дауыс беру – еліміздің болашағына өз үлесімді қосу мүмкіндігі. Әсіресе, қазір АЭС құрылысы сияқты өте маңызды мәселе талқыланып жатқанда. Бұл шешім энергетикалық тәуелсіздігіміз бен тұрақты дамуымыз үшін аса қажет. Мен атом энергетикасын қолдау еліміздің экономикасын нығайтып, болашақ ұрпаққа сенімді болашақ сыйлайды деп сенемін. Сондықтан дәл осы күнде дауыс беруге қатысуды өзімнің азаматтық парызым деп санадым», — деді туған күн иесі.