Әртүрлі деңгейде күйік шалған төрт адам қазір Мақажанов клиникасында жатыр
Кеше, 6 қазан күні Қарқаралыдағы дала өртін сөндіреміз деп күйік шалған төрт адам Қарағандыдағы Мақажанов атындағы көпсалалы аурухананың травматологиялық орталығында жатыр. Бұл туралы Azattyq Rýhy редакциясына орталықтың басшысы Берік Түлеубаев мәлім етті.
«Кеше Қарқаралы ауданы Шөптікөл ауылының маңайында жазық өртенді. Өртпен күрескен төрт адам ауруханаға түсті. Кеше Қарқаралы ауданының ауруханасына түскен олар бүгін Мақажанов атындағы біздің орталыққа жатыр. Бәрінің жағдайы тұрақты», - деді Берік Түлеубаев.
Естеріңізге сала кетейік, осы өрттен 33 жастағы өрт сөндіруші Хали Хайрат қаза тапқан болатын.