Өңірде COVID-19 инфекциясын жұқтырған барлығы 176 адам тіркелген
Ақтөбе облысында коронавирус инфекциясын жұқтырған 1 адам тіркелді. Бұл туралы Мемлекеттік комиссияның шұғыл штабы хабарлайды.
ПТР диагностикалық зерттеу қорытындысы бойынша Ақтөбе қаласының 1 тұрғынына COVID-19 диагнозы қойылды. Ол 1992 жылғы ер азамат, қауіпті індетті жұқтырған науқаспен жақын қарым-қатынаста болғандықтан медициналық бақылауға алынған.
«Қазіргі таңда науқас облыстық жұқпалы аурулар стационарының бокс палатасына жатқызылды, науқастың жағдайы қанағаттанарлық. Бекітілген хаттамаға сәйкес тиісті ем қабылдап жатыр. Науқаспен қарым-қатынаста болған адамдар анықталып, барлығы медициналық бақылауға алынды», - делінген ақпаратта.
Ауру ошақтарында эпидемиологиялық зерттеу, дезинфекциялық жұмыстар жүргізілуде.
Ақтөбе облысында COVID-19 коронавирус инфекциясын жұқтырған барлығы 176 адам тіркелген.