Паралимпиада чемпионы Ақмарал Науатбектің анасымен кездескен сәттегі видеосы тарады

Спортшы Париждегі жеңісінен анасымен кездесті

Фото: скриншот

Дзюдодан Паралимпиада чемпионы Ақмарал Науатбектің Париждегі жеңісінен кейін анасымен қауышқан сәтінің видеосы жарияланды, деп хабарлайды Azattyq Rýhy.

Жеңімпаз ару желідегі парақшасына «Жеңісте де, жеңілісте де, әрқашан жаныңнан табылатын, қолдауын аямайтын ата-ана» деп жазды.

48 келі салмақта пара дзюдодан сынға түскен Ақмарал Науатбек шешуші белдесуде Франция спортшысы Сандрин Мартинені жеңді.

Айта кетейік, Қазақстан құрамасының қоржынында төрт медаль бар. Бұған дейін Давид Дегтяров (пара пауэрлифтинг) алтын медаль алды. Мерген Еркін Ғаббасов, жүзуден Нұрдәулет Жұмағали күміс медаль алса, пара жеңіл атлет Дастан Мұқашбековте қола медаль бар.