Қарағандыда 6 көлік соғысты: белгілі кәсіпкер 2 айға қамауға алынды

Қарағандыда Lexus жүргізушісі 2 айға қамауға алынды, деп хабарлайды Azattyq Rýhy.

4 қыркүйекте Қарағандының мамандандырылған тергеу сотында отырыс өтті. Күдікті белгілі кәсіпкер, «Қазгидромаш» басшысы Сергей Камаевқа қатысты қамауда ұстау түріндегі бұлтартпау шарасы тағайындалды.

ҚК-нің 345-бабының 3-бөлігі бойынша «Абайсызда адам өліміне әкеп соқтырған жол ережелерін бұзу немесе көлік құралдарын пайдалану» бойынша сотқа дейінгі тергеу басталды.

Еске салайық, Қарағандыда алты көлік соғысып, жантүршігерлік жол апатынан 40 жастағы «Ниссан» жүргізушісі қаза тапты. Оның жүкті әйелі де көлікте отырған, ол ауруханаға жатқызылды. Жол апаты 2 қыркүйек күні сағат 14:15 шамасында Аманжолов көшесінде болған.