Ақмола облысында өндіріс орнында жұмысшы әйелді жүк көлігі басып, мерт қылды

Ақмола облысында өндіріс орнында жұмысшы әйелді жүк көлігі басып кетті. Әйел оқиға орнында көз жұмды, деп хабарлайды Azattyq Rýhy.

Ақмола облысы ПД баспасөз қызметінің мәліметінше, оқиға Егіндікөл ауданындағы жергілікті өндіріс орнында болған.

Бұл туралы аудандық полиция бөліміне дәрігерлік амбулатория фельдшері хабарлаған.

Белгілі болғандай, ЖШС аумағында Түркістан облысының 57 жастағы тұрғыны басқарған жүк көлігі бұрылу кезінде жұмысшыны абайсызда басып кеткен. Әйел алған жарақатынан сол жерде қайтыс болды.

 «Осы дерек бойынша сотқа дейінгі тергеу басталды. Сот-медициналық сараптама тағайындалды, мемлекеттік еңбек инспекторы тексеріс жүргізіп жатыр», - делінген ПД хабарламасында.