Ақмола облысында спорт мектебінен өрт шықты: 15 бала эвакуацияланды
Өрттің алдын-ала себебі - электр сымдарының қысқа тұйықталуы
Фото: Ақмола облысы ТЖД баспасөз қызметі
Бүгін, 2 қыркүйекте Степняк қаласындағы Балалар-жасөспірімдер спорт мектебінің ғимаратында қысқа тұйықталу салдарынан өрт шықты. Бұл туралы Ақмола облысы ТЖД баспасөз қызметінен мәлім етті, деп хабарлайды Azattyq Rýhy.
ТЖД мәліметінше, өрт қосалқы бөлмеден шыққан.
«Оқиға орнына келген құтқарушылар ғимараттан 15 баланы эвакуациялады. Өрт жарты сағат ішінде оқшауланып, 3 шаршы метр аумақта толығымен жойылды. Өрттің алдын-ала себебі - электр сымдарының қысқа тұйықталуы», - делінген хабарламада.
ТЖД азаматтардан өрт қауіпсіздігі ережелерін сақтауды сұрайды.
Көп оқылған
09.11.2026, 10:31
«Ит үреді, керуен көшеді»: туған қызын ернінен сүйді деген ер адам ел алдына шықты (ВИДЕО)
Редактордың таңдауы
15.10.2026, 19:19
Қазақстан мен Әзербайжанды жалғайтын суасты байланыс желісі іске қосылды
